Sabi niya...Suko na siya.

"Merong parte ng buhay mo na nagbibigay ng dahilan upang ikaw ay patuloy na lumaban, subalit meron ding parte ng buhay mo na nagbibigay ng rason upang ikaw ay tuluyan nang sumuko at bumigay. Gagawin mo ito di dahil sa mahina ka o di mo na kaya ang mga hamong haharapin sa hinaharap, kundi dahil mas makakabuti ito para sa'yo."

Sabi niya, sumuko na siya sa isang parteng yun ng buhay niya, na ginawa niya yon kasi naisip niya, paano naman siya? kung nararamdaman niyang nababalewala lang naman siya, paano naman ang sarili niya? ayaw man niyang sabihin, pero mas magmumukha raw siyang kawawa kung di niya gagawin ito di ba? (at alam niyang aagree ka sa sinasabi niya.)


Sabi niya, susuko siya dahil gusto niya, parehas ninyong makita ang mga sarili ninyo. Madalas niya noong sinasabi na gusto niyang maghanap ng kapayapaan...it seems like a joke or expression to her madalas, pero she mean it. Gusto niyang mas matuklasan ninyong parehas kung ano pa ang mga kaya ninyong gawin, mga bagay na masasabi ninyong "Ay, kaya ko pala...Ay! magagawa ko pala 'to."

Sabi niya, susuko siya dahil gusto niyang magkaroon kayo ng mas lalo pang pagmamahal at dignidad sa mga sarili ninyo (di ibig sabihin nun eh parehas kayong walang dignity sa sarili ninyo, kungbaga ang punto niya, mas pag-ibayuhin pa yung part na yun). Mabigyan ng mas marami pang pagkakataon na makita at maramdaman ang kagandahan ng buhay sa kabila ng mga di kagandahang pangyayari sa paligid. To cut it short, susuko siya para sa kabutihan ninyong dalawa.


Sabi niya, isusuko ka na niya sa maykapal. Hindi niya alam kung ano ang mga mangyayari sa hinaharap, pero kung sakaling dumating man ang araw na ibalik ka raw ng diyos sa kanya at puwede pa, pangako niya, di ka na niya pakakawalan. Pangako niya, sisiguraduhin niyang magiging parte ka ng mundo niya. Pangako niya na di na siya mag-aalangan. Pangako niya, mamahalin ka niya ng tapat. Pangako niya, IPAGLALABAN KA NIYA. 

Sabi niya, susuko siya dahil sa magandang kinabukasan na naghihintay sa inyong dalawa. Ayaw niyang magpaalam sa'yo, bagkus pinapasabi niyang...hanggang sa muli ninyong pagkikita.