Hay buhay!!! mas madalas kong sabihin ang linyang ito sa sarili ko. Eh kasi ba naman, isa akong dakilang pasaway...Oo, pasaway to the fact na ura-urada na lang ang desisyon ko, yung tipong di mo pa nga napapag-aralang mabuti yung mga points kung bakit nangyayari ito at mga dahilan eh may desisyon ka na agad. Kaya madalas, eto ang resulta, yung pakiramdam na di mo na mababawi pa sarili mo, yung di mo na maibabangon uli yung si Ikaw.
Sa mga ganitong eksena ng buhay ko, before, iiyak talaga ako...as in lahat iniiyak ko, ako lang mag-isa, bibihira lang din akong maglabas ng sama ng loob o kung ano ang nasa isip ko sa ibang tao, kahit nga sa pamilya ko at sa mga kaibigan ko. I'm the person na kapag tinanong mo ng "kamusta ka na?" generated na yung sagot ko na "Okay lang naman ako o I'm fine, eto tao pa rin..." ang generic di ba? I'm trying to be okay but in fact, sa likod ng pagiging okay ko, nakatago ang isang malungkot na Kim, isang babaing di sigurado kung ano nga ba ang magiging future niya...
Prinsesa din ako ng "Buti pa sila ganito...nakakainggit naman...yada yada yada..." lalo na pag magbubukas ako ng Facebook, yung kulang na lang, mas gugustuhin mong lamunin ka ng lupa kasi mas maganda yung nangyayari sa buhay nila ngayon kaysa sa iyo...In short, Insecurities! ang dami kong insecurities na di ko malaman laman kung kailan mawawala sa sistema ko, siguro dahil nung younger years ko, madalas akong mahambalos ng nanay ko at rinig pa ng mga kapitbahay sa paligid ng bahay nyo...you don't believe it...puwes ako na magsasabi sa'yo...maniwala ka.
Life is a cycle of unending challenges, di nawawala ang mga pagsubok sa buhay mo, di mawawala ang mga epal na tao sa paligid mo. Kahit saan ka magpunta, lagi at lagi talagang may mag eepal sa paligid mo...simple lang naman kasi yan eh, kung may insecurity ka sa sarili mo, meron din sila, and minsan, may idadamay na ibang tao, masabi lang na may napatunayan sila...well...opinion ko lang naman yun. Araw-araw, ayaw mo man o sa gusto, haharapin at haharapin mo talaga sila, at siyempre, kailangan mong lumaban, kailangan mo maging matatag, matapang at kung kakailanganin, makipagpalitan ng mukha.
Sa lahat ng ka-epalan, drama at mga taong nagpabida sa buhay ko, natutunan ko na dapat makuntento ka sa kung ano ang meron ka, kahit simple lang ang sa'yo at sa kanila eh bongga, pakialam nila? they don't know what you're going through...Kung sila ang daming likes sa Facebook posts nila at sa'yo eh papiso-piso, minsan wala pa nga hayaan mo lang, at least, you have expressed kung ano ang nasa isip mo. I-like nila o hindi, bahala na sila. Natutunan ko rin na dumepende sa pamilya ko...yung nanay, tatay, at apat na kapatid kong lalaki, Minsan, may pagka-epal din sila pero pramis! sa oras ng kagipitan, di ka iiwanan ng mga yan...maniwala ka.
I'm trying to learn na maniwala na rin sa sarili ko. One time, a co-worker told me, "Bakit mo naman nasabi yan?" after ko sabihin na "Wala na akong ginawang tama sa buhay ko...lahat puro mali." Sabi nga niya sa akin, wag kang mag-isip ng ganun....nga naman? lahat naman tayo may pagkakamali eh, at lahat tayo may karapatang magbago o baguhin ang sistema ng buhay mo...for the good siyempre. Pag may taong nagsabi sa'yo na di ka na magbabago, sabihin mo sa akin, paabangan ko yan....JOKE! hahahaha!!!
And lastly, I chose na magfocus na ulit to praise Papa God, OO, boss mo in the heavens above, yung totoo mong tatay, bestfriend, compañero, ultimate kakampi lahat! Actually, na realize ko yun nung time na nabili ko yung libro ni Alex Gonzaga, kahit pakiramdam mo eh lowbatt ka na sa kanya, di ka pa rin niya pababayaan, every challenges na dumarating sa akin ngayon, pinapaubaya ko na sa kanya, kasi naman no, alam na niya mangyayari sa'yo, kung sino ang mga taong makikilala mo, at kahit si "The One..." di pa nga lang niya nirerelease lahat.
Everyone and anyone of us has a chance na makapagbago, depende na yan sa kung papaanong paraan mo siya gagawin, kung ano ang mga bagay na gagamitin mo, at diskarte ng atake mo. Ako sa ngayon, I feel na paunti-unti eh nababago ko ang outlook ko sa buhay...marami pang mangyayari, marami pang taong darating sa buhay ko at experiences na dapat maranasan...and lastly, marami pa akong dapat na matutunan about life and how to face it and succeed with flying colors.